ՄԱԿ-ը սպառնում է պատժամիջոցներ կիրառել Մալիի վարչապետի ձերբակալության հեղինակների նկատմամբ

ՄԱԿ-ի Անվտանգության խորհուրդը սպառնացել է պատժամիջոցներ կիրառել զինծառայողների նկատմամբ, ովքեր երկու օր առաջ ձերբակալել են Մալիի ժամանակավոր կառավարության ղեկավար Մոդիբո Դիարային: «ՄԱԿ-ի ԱԽ-ի անդամները պատրաստակամություն են հայտնել քննարկել համապատասխան միջոցները, այդ թվում՝ նաև պատժամիջոցները, այն մարդկանց նկատմամբ, ովքեր խանգարում են սահմանադրական կարգի վերականգնմանը և խաթարում են Մալիի կայունությունը»,-մասնավորապես նշվում է երեքշաբթի օրը ՄԱԿ-ի ԱԽ-ի տարածած հայտարարության մեջ. հաղորդում է РИА Новости-ն:

Հիշեցնենք, որ դեկտեմբերի 10-ին Շեյխ Մոդիբո Դիարան դեկտեմբերի 10-ին ձերբակալվել էր իր տանը 2012-ին երկրում իշխանությունն իր ձեռքը վերցրած Ամադա Սանոգոյի հրամանով:

Դիարան, ով ղեկավարում էր Microsoft-ի աֆրիկյան մասնաճյուղը, գլխավորել էր Մալիի անցումային քաղաքացիական կառավարությունը 2012-ի ապրիլի 17-ին: Երկրի նախորդ ղեկավարությունն Ամադու Թումանի Տուրեի գլխավորությամբ տապալվել էր 2012 թվականի ռազմական հեղաշրջման արդյունքում: Ամադու Սանոգոյի գլխավորությամբ Խունտան մեղադրում էր Տուրեին համատարած կոռուպցիայի մեջ, ինչպես նաև՝ երկրի հյուսիսում ապստամբությունը ճնշել անկարող լինելու մեջ: