Ռուսական նոր ռադիոլոկացիոն կայանի կառուցումը Հայաստանում

Ռուսաստանը կարող է իր նոր հրթիռային հարձակման մասին նախազգուշացնող ռադիոլոկացիոն կայան կառուցել Հայաստանում այն բանից հետո, երբ չի հաջողվել երկարաձգել Ադրբեջանում վարձակալության պայմանագիրը: Այս մասին նշել է Հայաստանի պաշտպանության նախարարը երեքշաբթի օրը: Հաղորդում է Asbarez.comը:

«Իհարկե, ես չեմ բացառում այդ հանգամանքը: Մեր ռազմական համագործակցությունը բարձր մակարդակի վրա է»,-այս մասին նշել է Արծրուն Հովհաննիսյանը` պաշտպանության նախարարի խոսնակը, Ազատություն ռադիոկայանին տված հարցազրույցի ժամանակ: Պարզ չէ, թե Հայաստանի պաշտպանության նախարար Սեյրան Օհանյանը նախկին ԽՍՀՄ հանրապետությունների պաշտպանության նախարարների հանդիպման ժամանակ քննարկել է այս հարցը իր գործընկեր Սերգեյ Շայգուի հետ, թե՝ ոչ: Այդ մասին չնշեց խոսնակը, այլ ընդգծեց, որ ռուս- հայկական ռազմական համագործակցությունը կամրապնդվի հաջորդ տարի: Երկարատև բանակցություններից հետո Ռուսաստանն ու Ադրբեջանը համաձայնության չեն եկել Գաբալայի ռադիոկայանի հետագա օգտագործման համար, քանի որ Բաքուն ցանկանում էր վարձակալության գումարը 7 մլն դոլարից հասցնել է 300մլն-ի:

Անգլիական Reuters գործակալությունը, մեջ բերելով անանուն ադրբեջանական աղբյուրը, նշում է, որ Ադրբեջանը ցանկանում է սահմանափակել Ռուսաստանի ռազմական ներկայությունն Ադրբեջանում:

Չարձանագրելով ոչ մի առաջընթաց քայլ Ռուսաստան-Ադրբեջան՝ Գաբալայի հարցի շուրջ բանակցություններում՝ Ռուսաստանի բանակի թոշակառու գեներալ Լեոնիդ Իվաշովը մարտին նշել է, որ պետք է այդպիսի կառույցներ ստեղծվեն նաև Հայաստանում:

ՀՀ վարչապետ Տիգրան Սարգսյանը Ռուսաստանի «Կոմերսանտ» թերթին տված հարցազրույցի ժամանակ նշել է. «Եթե մեր երկիրն այդպիսի նշանակություն ունի, մենք պատրաստ ենք քննարկել այդ հարցը»:

Սերգեյ Մինասյանը՝ հայ վերլուծաբանը, նշել է, որ Ռուսաստանը խիստ կերպով կարիք ունի տեղադրելու ռադիոկայաններ Հարավային Կովկասի մեկ այլ վայրում: Նա ասաց, որ Գաբալայի ռադիոկայանի կորուստը կնշանակի Ռուսաստանի ռազմական ներկայության ավարտն Ադրբեջանում: