Վրաստանի և Սերբիայի բողոքի ակցիաները պայքար են ռուսական ազդեցության դեմ․ Զուրաբիշվիլի

Հինգերորդ նախագահ Սալոմե Զուրաբիշվիլին մատնանշել է Վրաստանում և Սերբիայում բողոքի ցույցերի ընդհանրությունը՝ դրանք անվանելով «ռուսական ազդեցության դեմ պայքար»: Այս մասին նա գրել է իր X սոցիալական հարթակում։

«Վրաստանի բողոքի ցույցերը և Սերբիայի ցույցերը նույն պայքարն են հանուն ազատության, ժողովրդավարության, անկախության և ընդդեմ ռուսական տիրապետության», - գրել է Զուրաբիշվիլին սոցիալական ցանցում։

Նոյեմբերի վերջին Վրաստանում զանգվածային բողոքի ցույցեր են սկսվել՝ ի պատասխան կառավարության որոշման՝ դադարեցնելու Եվրամիությանն անդամակցելու շուրջ բանակցությունները։ Սերբիայում բողոքի ցույցեր են սկսվել Նովի Սադ քաղաքում տեղի ունեցած ողբերգությունից հետո։ Նոյեմբերի 1-ին երկաթուղային կայարանի տանիքի փլուզման հետևանքով զոհվել էր 15 մարդ։