Բաթումիում հոգեկան խնդիրներ ունեցող անձը հարձակվել է պարեկների վրա․ կան վիրավորներ

Բաթումիում հոգեկան շեղված վիճակում գտնվող քաղաքացին երեք ոստիկանի է վիրավորել, հայտնում է ՆԳՆ-ն, փոխանցում է News Georgia-ն։

Տուժած պարեկային տեսուչները տեղափոխվել են հիվանդանոց։

ՆԳՆ-ից հայտնում են, որ հունվարի 20-ին Կոմախիձեի փողոցից ահազանգ է ստացվել անձի ոչ պատշաճ վարքագծի վերաբերյալ։ Երբ պարեկները ժամանել են դեպքի վայր, վերջինս դանակով հարձակվել է ոստիկանների վրա։

1998 թվականին ծնված անձը, ում մոտ նախկինում հոգեկան հիվանդություն էր ախտորոշվել, բերման է ենթարկվել։ Ոստիկանության վրա հարձակման դեպքի առթիվ գործ է հարուցվել, կատարվում է հետաքննություն։