Իվանիշվիլին մեղադրվում է սպառնալիքների և շորթման մեջ

Միլիարդատեր և «Վրացական երազանք» կուսակցության հիմնադիր Բիձինա Իվանիշվիլիի հիմնադրամի նախկին մենեջեր Գիորգի Բաչիաշվիլին ասել է, որ իր նախկին ղեկավարը սպառնացել է բանտարկությամբ, հայտնում է News Georgia-ն։

Բաչիաշվիլիի խոսքով՝ Իվանիշվիլին իր ներկայացուցչի միջոցով պահանջել է վերադարձնել կրիպտոարժույթի մեծ գումարը՝ 5000 բիթքոյն (մոտ 511,9 մլն դոլար) «որպես իր ազատության համար վճար»։ Ֆինանսիստը պնդում է, որ հրաժարվելու դեպքում գումարը պետք է ամսական ավելանար։

Բաչիաշվիլին մեղադրվում է Իվանիշվիլիի կրիպտոարժույթը գողանալու և ստացված եկամուտները լվանալու մեջ։

Ինքը՝ ֆինանսիստը, կարծում է, որ գործը շինծու է, քանի որ չի աջակցել «Վրացական երազանքի» առաջնորդի «հակարևմտյան ծրագրին»։ Նա նաեւ պնդում է, որ դատարանն ու դատախազությունը գործում են Իվանիշվիլիի շահերից ելնելով։