ԱՄՆ-ի փողերն օգտագործվում են երկրների ինքնիշխանությունը խարխլելու համար․ Կոբախիձե

ԱՄՆ-ից եկող փողերը հաճախ օգտագործվում էին այլ երկրների ինքնիշխանությունը խաթարելու գործընթացները ֆինանսավորելու համար: Այս մասին մամուլի ասուլիսի ժամանակ հայտարարել է Վրաստանի վարչապետ Իրակլի Կոբախիձեն։ Այս մասին գրում է ՏԱՍՍ-ը։

«Պարզ դարձավ, որ ամերիկյան փողերը հաճախ օգտագործվում էին ոչ ճիշտ գործընթացների ֆինանսավորման, կոնկրետ երկրների ինքնիշխանությունը խարխլելու համար, որոնց մասին մենք խոսում էինք, և ինչի համար մեզ ավելի վաղ քննադատում էին», - ասել է Կոբախիձեն։

Նա հավելել է, որ վրացական իշխանությունների դատողության ճշտությունը հաստատել է ԱՄՆ նոր նախագահ Դոնալդ Թրամփը, ով երեքշաբթի օրը ստորագրել է օտարերկրյա երկրներին ԱՄՆ օգնությունը վերանայելու և վերախմբավորելու գործադիր հրամանը, որը նախատեսում է 90 օրով դադարեցնել դրա տրամադրումը։

Թրամփի ստորագրած փաստաթղթում նշվում է, որ արտաքին օգնության ամերիկյան ոլորտը և դրա ներսում տիրող բյուրոկրատիան «համապատասխան չեն ամերիկյան շահերին և շատ առումներով հակասում են ամերիկյան արժեքներին»։