«Նրանք եկան, մեզ դուրս շպրտեցին մեր տանից և բուլդոզերներ բերեցին». Վրաստանի բնակիչ

Այսօր Թբիլիսյան ծովի մոտ մունիցիպալ տեսչությունը քանդել է մինչև 30 ապօրինի շինություն։ Այս մասին գրում է News Georgia-ն։

Քանդումը սկսվել է վաղ առավոտյան։ Գործընթացն ուղեկցվել է աղմուկով, սեփականատերերը բուլդոզերներին «դիմավորել են աղմուկով»։

Նրանցից մի քանիսը լրագրողներին ասել են, որ ապամոնտաժման մասին քաղաքապետարանն իրենց նախապես չի տեղեկացրել։ Նրանք նաև պնդում են, որ այլ բնակարան չունեն, իսկ իրենց ընտանիքները մնացել են առանց տանիքի։

«Նրանք եկան, մեզ դուրս շպրտեցին մեր տանից և բուլդոզերներ բերեցին», - ասել է տեղի բնակիչներից մեկը TV Pirveli-ին։

Մինչդեռ քաղաքապետարանն ասում է, որ կանխել է «պետական ​​հողերի լայնածավալ ապօրինի զավթումը»։

Նրանց տեղեկություններով՝ ապօրինի շինությունները հանգստի գոտում զբաղեցրել են մոտ 2 հա տարածք։