Վրաստանը կդադարեցնի աշխատանքը ԵԽԽՎ-ում․ Ցուլուկիանի

Վրաստանի խորհրդարանական պատվիրակությունը դադարեցնում է աշխատանքը ԵԽԽՎ-ի հետ այն բանից հետո, երբ ավելի վաղ ընդունվել էր բանաձեւ, որով հանրապետության իշխանություններին կոչ էր արվում անցկացնել նոր խորհրդարանական ընտրություններ։ Այս մասին ասված է վրացական պատվիրակության ղեկավար, Վրաստանի խորհրդարանի փոխխոսնակ Թեա Ցուլուկիանին հայտարարության մեջ, փոխանցում է ՏԱՍՍ-ը։

Ինչպես նշում է Ցուլուկիանին, վրացական իշխանությունների ընդդիմախոսները ցանկանում էին, որ վրացական պատվիրակության լիազորություններն ընդհանրապես չճանաչվեն ԵԽԽՎ-ում, բայց մարմինը ճանաչել է լիազորությունները՝ որոշակի պայմաններով, որոնցից մեկը նոր խորհրդարանական ընտրությունների անցկացումն է։

«Հաշվի առնելով վերը նշվածը, մենք՝ Վրաստանի խորհրդարանի պատվիրակության անդամներս, քննարկել ենք Ստրասբուրգում և Թբիլիսիում և «Վրացական երազանքի» թիմի ընդհանուր որոշմամբ, չնայած մեր լիազորությունների հաստատմանը, այսօրվանից մենք դադարում ենք աշխատել Խորհրդարանական վեհաժողովում»,- ասված է հայտարարության մեջ։

«Վրաստանը, իհարկե, որպես պետություն մնում է Եվրոպայի խորհրդի անդամ, սակայն մեր խորհրդարանական պատվիրակության անդամները կվերսկսեն մասնակցել Խորհրդարանական վեհաժողովին միայն այն ժամանակ, երբ փոխվի անարդար վերաբերմունքը վրաց պետության և ժողովրդի նկատմամբ, շանտաժը վերջանա և բոլոր որոշումներ կայացնողները՝ պաշտոնական և ոչ պաշտոնական: Իրենց թիկունքում կանգնած ուժերը քաջ գիտակցում են, որ նման ճնշումը չի ստիպի Վրաստանին և նրա բնակչության կողմից ընտրված կառավարությանը գնալ հակավրացական քայլերի», - նշել է Ցուլուկիանին: