Լենոնի տված ստորագրությունն իր մարդասպանին հանվել է աճուրդի

Ջոն Լենոնի ստորագրությունը, որը երաժիշտը մինչ իր սպանությունը տվել էր Մարկ Չեպմենին, աճուրդի են հանել: Այս մասին հայտնում են Gigwise կայքում:

Չեպմենը ստորագրություն է վերցրել «Double Fantasy» ալբոմի վրա 1980 թվականի դեկտեմբերի 8-ին Նյու-Յորքում: Նա Լենոնին հանդիպեց, երբ երաժիշտը լքել է տունը, որպեսզի գնա ստուդիա:

Երբ երաժիշտը մի քանի ժամից վերադարձել է տուն, Չեպմենը, ով սպասում էր նրան տան մոտ, չորս անգամ կրակել է նրա մեջքին: Չեպմենը չի հեռացել դեպքի վայրից և սպասել է ոստիկանության հայտնվելուն: Ստորագրությամբ ալբոմը հանցագործը նետել էր ծաղիկների մեջ, որն ավելի ուշ գտել էր դռնապանը:

Ալբոմը ոստիկանությանը փոխանցվել է որպես հանցանշան, սակայն հետո վերադարձվել է այն գտած մարդուն: Ապա այն երկու անգամ փոխել է իր սեփականատերերին:

Այս անգամ ստորագրությամբ ձայներիզը կվաճառվի աճուրդում: Վերջինս ներառում է նաև ոստիկանական զեկույցները, իրավաբանական նամակներ և մարդասպանի մատնահետքերի կրկնօրինակը: