Ռուսաստանը չի բացառում Սիրիայում ընդդիմադիր ուժերի հաղթանակը
Աշխարհ
Միխայիլ Բոգդանովը` ՌԴ ԱԳ փոխնախարարը, նշել է, որ Բաշար Ասադը կորցրել է իր հսկողությունը երկրի մեծ մասի վրա, և ընդդիմադիր ուժերի հաղթանակը չի կարելի բացառել:
Միխայիլ Բոգդանովը չի նշել, որ Ռուսաստանը կարող է փոխել իր դիրքորոշումը Սիրիայի հարցի շուրջ և սկսել դրական վերաբերվել Ասադի կառավարության նկատմամբ կիրառվող միջազգային պատժամիջոցներին, սակայն նրա խոսքերը ցույց են տալիս, որ Ռուսաստանը սկսում է տրամադրվել Սիրիայում ռեժիմի փոփոխությանը:
«Մենք պետք է հաշվի առնենք փաստերը և հաստատենք, որ կառավարությունն աստիճանաբար կորցնում է հսկողությունը երկրի հատվածների վրա, և չպետք է բացառել ընդդիմադիր ուժերի հաղթանակը»,-այս մասին հայտարարել է Բոգդանովը Կրեմլի հանրային պալատում:
Միևնույն ժամանակ, Ռուսաստանի՝ խաղաղության մշտական կոչերը ցույց են տալիս, որ երկար ժամանակ կտևի, մինչ ընդդիմադիր ուժերը կկարողանան տապալել Ասադին, և երկիրը մեծ վնասներ կկրի:
«Պատերազմն ավելի արյունալի կդառնա, և տասնյակ հազարավոր, գուցե և հարյուր հազարավոր, մարդիկ զոհվեն: Եթե դա ընդունելի է ձեզ համար, ապա ի՞նչ կարող ենք մենք անել: Մենք այն համարում ենք ամբողջովին անընդունելի երևույթ»,-ասել է Բոգդանովը:
Այս մասին տեղեկացնում է Associated press գործակալությունը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
