«Առավոտ». Ծառուկյանը խուսափե՞ց Արթուր Բաղդասարյանի ֆենոմենից

«Նոր ժամանակներ» կուսակցության նախագահ Արամ Կարապետյանը «Առավոտ»-ի հետ զրույցում չհամաձայնեց դիտարկման հետ, որ ԲՀԿ-ի՝ ընտրապայքարից դուրս գալու որոշման արդյունքում ամենագլխավոր շահողը Սերժ Սարգսյանն է:

«Կարծում եմ՝ ոչ: Կարող եմ ասել, որ նախագահական ընտրությունները կանխատեսելի էին, և հասկանալի էր, որ եթե Գագիկ Ծառուկյանը շարունակեր գործընթացը, այդ գործընթացը պետք է շարունակեր արդեն մի քիչ այլ կերպ, որովհետև եթե ընտրություններում ստանում էր բարձր ձայներ և կստանար բավականաչափ ձայներ, բայց չգնար հեղափոխական քայլերի, ապա պարզ է, որ դա բնութագրվելու էր շատ ավելի բացասական, քան Արթուր Բաղդասարյանի ֆենոմենը: Այսինքն՝ այդ առումով չեմ կարծում, որ կանխորոշված չէր ընտրությունների ելքը, եթե ընդհանուր դաշտի և հասարակության ճնշումը հետո չէր լինելու»,- նկատեց թերթի զրուցակիցը: