Վրաստանում «օրենքով գողեր» են ձերբակալվել․ Վրաստանի ՆԳՆ

Վրաստանում կալանավորվել է 26 մարդ, ևս չորսին հեռակա մեղադրանք է առաջադրվել հանցավոր աշխարհին կապերի ու անդամակցության համար։ Այս մասին հայտնում է Վրաստանի ՆԳՆ մամուլի ծառայությունը։

Մեղադրյալների թվում են արտերկրում գտնվող վրացի «օրենքով գողեր»՝ Ջեյրան Կինցուրաշվիլին, Կակո Տուգուշին՝ «Էնզո» մականունով, և Մամուկա Չխաբերիձեն՝ հայտնի «Մամուկա Խոնսկի» մականունով։

Եվս 12 մեղադրյալ մեղադրվում է «կրիմինալ աշխարհի» գործունեությանն աջակցելու և դրան պատկանելու մեջ, 11-ը՝ «օրենքով գողերի ժողովին» մասնակցելու համար, երեքը՝ «հանցավոր աշխարհին» դիմելու մեջ։

Հետաքննության տվյալներով՝ «անձնական շահ ստանալու նպատակով» «հանցավոր աշխարհի» մեղադրյալները և նրանց հանցակիցները մասնակցել են քաղաքացիների միջև ֆինանսական վեճերի լուծմանը։ Դրա համար նրանք հավաքագրել են արտասահմանում ապրող «օրենքով գողերին» և կազմակերպել «հանցավոր հավաքներ»։