Ի՞նչ է սերը. գիտնականների մեկնաբանությունները

Guardian անգլիական պարբերականը, հաշվի առնելով այն հանգամանքը, որ «Ի՞նչ է սերը» հարցումն անցյալ տարի ամենատարածված արտահայտությունն է եղել Google-ում, հարցում է անցկացրել տարբեր ասպարեզների գիտնականների շրջանում՝ այդ հարցի պատասխանը պարզելու համար:

Ֆիզիկոս Ջիմ ալ-Խալիլին պատասխանել է՝ «Սերը քիմիա է»` պարզաբանելով, որ կենսաբանորեն այն նման է սովածության կամ ծարավի:

Հոգեթերապևտ Ֆիլիպա Պերին նշում է, որ սերն ունի շատ կերպարանքներ: Այսպես Philla-ն խորը, սակայն ոչ պարբերաբար կրկնվող և ոչ սեռական բնույթ կրող ինտիմային հարաբերություններ է մոտ ընկերների, ընտանիքի անդամների և նույնիսկ զինվորների միջև ռազմի դաշտում: ludus բառն օգտագործում էին սիրախաղի համար: Pragma-ն երկարատև բնույթ կրող սիրային հարաբերություններն էին, որի մեջ մտնում էր նաև փոխադարձ իրար հասկանալը, զիջումների գնալը և այլն: Philautian-ը եսասիրություն է, agape-ն՝ սեռական հարաբերություները:

Համաձայն փիլիսոփա Ջուլիան Բագինինիի՝ սերը կրքոտ նվիրվածություն է: Սերը լինում է տարբեր՝ ընկերոջ նկատմամբ, երկրի նկատմամբ, ընտանիքի, աղջկա նկատմամբ: Սերը լինում է միակողմանի, դժբախտ, անբացատրելի, սակայն ամեն դեպքում այն կարելի է բացատրել որպես կրքոտ նվիրվածություն:

Գրող Ջոջո Մոյեսը  նշել է. «Սերը ստեղծում է բոլոր մեծ պետությունները»:

Սիրո բացատրությունը կարող է տարբեր լինել` կախված կարգավիճակի հետ: Երբ դու շրջապատված ես սիրով, այն քեզ թվում է անհրաժեշտ օդի նման, եթե դու զրկված ես դրանից, այն քեզ թվում է մոլուցք, ամեն ինչ կլանող ֆիզիկական ցավ:

Միանձնուհի Քաթերին Վիբորնը նշել է. «Սերն ազատ երևույթ է, սակայն այն մեզ կապում է ուժեղ կապերով»: