Ղազախստանի նախագահն առաջարկում է անցնել լատինատառ գրության

Ղազախստանի նախագահ Նուրսուլթան Նազարբաևը ղազախ ժողովրդին ուղղված իր ուղերձում հայտարարել է, որ 2025թ.-ից երկիրը կարող է անցումկատարել լատինատառ գրությանը, փոխանցում է BBC-ն:

«Մենք հետագայում էլ ենք շարունակելու հետևողականորեն իրականացնել պետական լեզվի զարգացման ուղղությամբ կատարվող միջոցառումների համակարգումը: Անհրաժեշտ է արդեն այսօր սկսել նախապատրաստական աշխատանքները, որպեսզի 2025թ. հնարավոր լինի ղազախական այբուբենից անցում կատարել լատինատառին», -ասել է Նազարբաևը:

Նրա խոսքերով՝ դա ոչ միայն կնպաստի ղազախերենի զարգացմանը, այլև կվերածի այն ժամանակակից տեղեկատվության լեզվի: