Հանրապետական մրցույթի մրցանակների հանձնման հանդիսավոր արարողություն

2012 թ. մայիսի 17-ին տեղի է ունեցել ՀՀ մշակույթի նախարարության կողմից հայտարարված «Գրքարվեստ» հանրապետական 5-րդ մրցանակաբաշխության նիստը:

«Գրքարվեստ» հանրապետական 5-րդ մրցանակաբաշխությունն ունի հետևյալ անվանակարգերը. «Իմ հայրենիքը», «Մեր ժամանակակիցը», «Գիրք գրքի մասին», «Գիրք երեխաներին», «Արվեստի գիրք», «Գրքի ձևավորման համար» /նկարազարդում, դիզայն/, «Գլխավոր մրցանակ»:

Ս. թ. դեկտեմբերի 14-ին, ժամը 17:00-ին, Առնո Բաբաջանյան համերգասրահում տեղի կունենա «Գրքարվեստ-2012» հանրապետական 5-րդ մրցույթի մրցանակների հանձնման հանդիսավոր արարողությունը:

Ս. թ. մայիսի 24-ին և 25-ին Ղազախստանի Աստանա քաղաքում տեղի է ունեցել ԱՊՀ երկրների «Գրքարվեստ» 9-րդ միջազգային մրցույթը, որին մասնակցել են ԱՊՀ 10 երկիր:

«Գրքարվեստ» 9-րդ միջազգային մրցույթին Հայաստանը գրքեր և ալբոմներ է ներկայացրել բոլոր յոթ անվանակարգերում: Մրցանակային տեղ զբաղեցրել են չորս գիրք.

«Մշակույթ, գիտություն, կրթություն» անվանակարգում երկրորդ մրցանակի է արժանացել Ֆ. Գրիգորյանի «Հայկական ազգային տարազ» ալբոմը /«Անտարես» մեդիա հոլդինգ, 2011 թ./:

«Տպագրվել է ԱՊՀ-ում» անվանակարգում երկրորդ մրցանակ է շնորհվել Հ. Իգիթյանի կազմած «Հայաստանի ժամանակակից արվեստի թանգարան» ալբոմին /«Տիգրան Մեծ հրատարակչություն» ՓԲԸ, 2011 թ./:

«Արվեստի գիրք» անվանակարգում երրորդ մրցանակի է արժանացել Ա. Սարգսյանի երկու գիրք-ալբոմները /«Փրինթինֆո» ՍՊԸ, 2011 թ./:

Հատուկ դիպլոմ է շնորհվել «Ուրբաթագիրք» հուշանվերային գրքին /«Էդիթ Պրինտ» ՍՊԸ, 2011 թ./:

«Բարեկամություն» անվանակարգի երկրորդ մրցանակին է արժանացել «Մենք բարեկամ ենք» մատենաշարով ռուսերեն լեզվով տպագրված Էդվարդ Միլիտոնյանի «Օդեղեն տուն» մանկական բանաստեղծությունների ժողովածուն /Ալմաթի, «Բալալար էդիբիետի» հրատարակչություն, 2012 թ./: