«ՀԺ». ՀԱԿ հայտարարությունը դե յուրե չի ընդունվել

Նախատեսվում էր, որ Հայ ազգային կոնգրեսը երեկ պետք է հրապարակեր հայտարարություն, որով, ըստ մամուլում հայտնված տեղեկությունների, Կոնգրեսի քաղաքական խորհրդի անունից դրական էր գնահատվելու ԲՀԿ-ի հայտնի պահվածքը: «Հայկական ժամանակ»-ը գրում է, որ երեկվա դրությամբ հայտարարությունը դեռ չէր հրապարակվել:

Ըստ որոշ լուրերի, պատճառն այն է, որ ՀԱԿ քաղխորհրդի անդամ Սոս Գիմիշյանը հրապարակավ ասել է, որ նախօրեի նիստում դեմ է քվեարկել հայտարարության նախագծին, իսկ քաղխորհրդում որոշումները կայացվում են կոնսենսուսով: Այսինքն, հայտարարությունը դե յուրե չի ընդունվել: