ՄԱԿ-ը ցանկանում է է 4-10 հազար խաղաղապահ ուղարկել Սիրիա
Մերձավոր Արևելք
ՄԱԿ-ը դիտարկում է 4-10 հազար խաղաղապահ Սիրիա ուղարկելու հնարավորությունը. հայտնում է Риа новости-ի աղբյուրը համաշխարհային կազմակերպության գրասենյակից:
Ըստ այդ տեղեկության՝ ուրբաթ օրը ՄԱԿ-ում տեղի է ունեցել խորհրդակցություն, որի արդյունքում որոշվել է անդամ երկրների զինծառայողներից խաղաղապահ ջոկատներ ուղարկել աշխարհի տարբեր կետեր: Խորհրդակցության ժամանակ նաև քննարկվել են Սիրիայում իրավիճակի հնարավոր հետագա զարգացումները:
«Խնդիրն այն է, որ ՄԱԿ-ը լրացուցիչ ռեսուրսներ չունի: Այսինքն՝ 115 հազար խաղաղապահներից, ովքեր գտնվում են աշխարհի տարբեր կետերում, պետք է դուրս բերենք որոշակի քանակությամբ զինվորների՝ Սիրիա ուղարկելու համար»,-հայտնում է աղբյուրը:
Սիրիայում խաղաղապահ առաքելության անհրաժեշտության մասին նոյեմբերի 29-ին նշել էր նաև Սիրիայի հարցով ՄԱԿ-ի հատուկ ներկայացուցիչ Լախդար Բրահիմին: Նրա նախաձեռնությամբ էլ Նյու Յորքի ՄԱԿ-ի գրասենյակում կայացել էր խորհրդակցությունը:
Այս մասին վերջնական որոշումը կայացնելու է ՄԱԿ-ի Անվտանգության խորհուրդը: Իր հերթին Սիրիայի ընդդիմությունը դեմ է խաղաղապահ ջոկատների հայտնվելուն, քանի որ նրա կարծիքով խաղաղապահները թույլ չեն տա կործանել Սիրիայի կառավարությունը և կերկարաձգեն գործող ռեժիմի կյանքը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
