В Контакте և Ru Tracker կայքերը սպառնում են ԱՄՆ-ի տնտեսությանը

Ամերիկյան առևտրի ներկայացուցիչ Ռոն Քիրքի կազմած զեկույցի համաձայն, որը նվիրված է տարածաշրջանային շուկաներում հեղինակային իրավունքների պաշտպանությանը, ԱՄՆ-ի տնտեսության համար սպառնալիք ներկայացնող 17 վեբ-կայքերից 4-ը կապված են Ռուսաստանի հետ. գրում է Газета.ru-ն: Սև ցուցակում հայտնվել են В Контакте սոցիալական կայքը, Ru Tracker-ը, ինչպես նաև Rapidgator.net-ը և AllofMP3-ը:

ԱՄՆ-ը 2006 թվականից արձանագրում է ամերիկյան ընկերությունների հեղինակային իրավունքների խախտման փաստերը: Խախտումների աստիճանը որոշելու համար օգտագործվում են այնպիսի ցուցանիշներ, ինչպիսիք են խախտման քանակն ու ծավալը, ԱՄՆ-ի տնտեսությանը հասցրած վնասն ու սպառնալիքը, ինչպես նաև սպառողի առողջությանը հասցրած վնասի հավանականությունը, քանի որ վերջիններս վստահում են ամերիկյան ապրանքանիշներին, սակայն այս դեպքում, փաստորեն, կեղծ ապրանքանիշ գնելու վտանգի առջև են կանգնում:

Այս զեկույցն արտահերթ բնույթ է կրում և որևէ պատժամիջոց չի նախատեսում խախտումների համար: Փաստաթղթի եզրափակիչ տարբերակը կհրապարակվի ապրիլին և նախատեսում է անցկացնել ցանցահենների նկատմամբ իրավաբանական հետապնդումներ: