Եգիպտոսում Սահմանադրական հանրաքվեն երկարաձգվել է 2 ժամով

Եգիպտոսի գերագույն ընտրական հանձնաժողովը որոշել է 2 ժամով երկարաձգել սահմանադրական հանրաքվեի համար սահմանված ժամանակը` քվեարկելու հնարավորություն տալով մինչև 21:00-ն (23:00). հայտնում է Риа Новости-ն:

Հանձնաժողովի խոսքերով՝ այդ որոշումը կայացվել է, որպեսզի քվեարկության իրավունք ունեցող բոլոր եգիպտացիները կարողանան հարմարավետությամբ օգտագործել իրենց հնարավորությունը: Որոշ ժամանակ առաջ հանրաքվեի համար պատասխանատու Գերագույն ընտրական հանձնաժողովը երկարաձգել էր հիմնական օրենքի քվեարկության համար սահմանված ժամկետը մինչև դեկտեմբերի 17-ը ժամը 20:00-ն այն եգիպտացիների համար, ովքեր ապրում կամ աշխատում են երկրի սահմաններից դուրս:

Հիշեցնենք, որ այսօր մեկնարկած սահմանադրական հարաքվեն Եգիպտոսում անցկացվում է 2 փուլով՝ դեկտեբերի 15-ին և 22-ին:

Քվեարկությանը մասնակցելու են 18 տարին լրացած ընտրության ձայնի իրավունք ունեցող երկրի բոլոր քաղաքացիները՝ 51 մլն մարդ: