Ինչպես նշանեցին Սիլվա Հակոբյանին

«Սիլվա Հակոբյանը նշանվել է, երգիչ-ընտրյալն էլ նկարահանվել է իր նոր տեսահոլովակում». ահա այսպիսի բովանդակությամբ լուր է շրջանառվում հայաստանյան լրատվամիջոցներում, որի իսկությունը պարզելու համար այսօր կապվել ենք երգչուհու հետ:

BRAVO.am-ի հետ զրույցում Սիլվա Հակոբյանը հերքել է իր նշանադրության լուրը՝ դա համարելով նախատոնական ուրախ կատակ:): Երգչուհու պրոդյուսեր հայրն էլ՝ Հակոբ Հակոբյանը, նշել է հետեւյալը. «Վերջերս տեղի ունեցած «Տաշի» շոուի ժամանակ, որին մասնակցել են հայկական շոու բեզնեսի գրեթե բոլոր ներկայացուցիչները, կատակով ասել եմ, որ Սիլվայի հարսանիքը Մարզահամերգային համալիրում եմ անելու: Այս ամենը վառ երեւակայության արդյունքում դարձել է լուր, որն իրականությանը չի համապատասխանում»:

Նշանադրության մասին խոսակցությունները թեժացրած մատանին էլ, ինչպես Սիլվա Հակոբյանն է ասել, պարզաապես զարդ է, որը լրացրել է իր բեմական կերպարը:

Երգչուհու հայրը կարծում է՝ լուսանկարն իսկապես համոզիչ է ստացվել. «Սիլվան տոնական հագուստով եւ մատանիով… Բնական է, որ այդպես էլ կմտածեին»:

Սիլվա Հակոբյանի երկրպագուներին տեղեկացնենք, որ երգչուհու սիրտը դեռ ազատ է: