Վրաստանի բողոքի ակցիաներին ԵՄ-ի ֆինանսավորումը կատարվում է Հայաստանում գտնվող դեսպանատների միջոցով․ ՌԴ հետախուզության բյուրո

Եվրամիությունը փորձում է ակտիվացնել Վրաստանում հակակառավարական ցույցերը, այդ թվում՝ ցուցարարների ֆինանսավորմամբ, հաղորդում է ՌԴ արտաքին հետախուզության ծառայության մամուլի բյուրոն, փոխանցոմ է Ria Novosti-ն։

«Վրաստանում փորձեր են արվում զարգացնել փողոցային բողոքի գործունեությունը, որը պետք է դառնա «հասարակ վրացիների շրջանում եվրոպամետ հայացքների կայունության ապացույցը»։ Թբիլիսիում ԵՄ պատվիրակությանը հատկացվել են զգալի ռեսուրսներ՝ ցույցերը աջակցելու և համակարգելու համար։ Հակակառավարական ցույցերի յուրաքանչյուր մասնակցի նախատեսվում է վճարել մինչև 120 եվրո մեկ «աշխատանքային» օրվա համար», ասվում է հաղորդագրության մեջ։

Ծառայությունը պարզաբանել է, որ ԵՄ-ն աշխատում է Հայաստանում ԵՄ երկրների դեսպանատներից Թբիլիսի արտարժույթ մատակարարելու տարբերակի վրա, եթե Վրաստանի իշխանությունները փորձեն փակել դիվերսիոն գործողությունների ֆինանսավորման ուղիները։

Բացի այդ, ԵՄ-ն փորձելու է Վրաստանում հակակառավարական տրամադրություններ ձևավորել բլոգերների, լրագրողների, ՏՏ մասնագետների և ռուսաստանցի վերաբնակիչների շրջանում։

«ԵՄ «Վրաստանի երիտասարդությունը Եվրոպայի համար» ծրագրի շրջանակներում վրացի երիտասարդներին առաջարկվելու են մինչև 50 հազար եվրո դրամաշնորհներ «առաջադեմ» նախագծեր իրականացնելու համար: Միջոցների հատկացման հիմնական չափանիշը հեղինակների հավատարմությունն է Արևմուտքին», - ավելացրել է մամուլի բյուրոն: