Սիրիայի վարչապետը կասկած է հայտնել առ այն, որ Ասադի ռեժիմը կհաղթի

Սիրիայի փոխվարչապետ Ֆարուք ալ Շարաան հայտարարել է, ոչ կողմերից և ոչ մեկն ի վիճակի չէ հաղթել պատերազմը: Այս մասին հայտնում է լիբիական Al Akhbar թերթը: Պաշտոնյանի խոսեքրով՝ ընդդիմությունը «չի կարող հավակնել սիրիական ժողովրդի միակ օրինական ներկայացուցչի դերին» և անգամ համախմբվելով չի կարող լուծել հակամարտությունը ռազմական ճանպարհով:

Միևնույն ժամանակ նա խոստովանել է, որ իշխող «Բաաս» կուսակցությունը չի կարող փոփոխությունների հասնել առանց նոր գործընկերների, իսկ կառավարական զինված ուժերը՝ առանց հակամարտության վերջնական ավարտի:

Փոխվարչապետը նաև ընդգծել է, որ իրավիճակն օրըստօրե վատանում է, և հակամարտության ռազմական ճանապարհով լուծումն ավելի է հեռվանում: Նրա խոսքերով՝ խոսքը ոչ թե առանձին մարդու կամ ռեժիմի գոյության պահպանման մասին է, այլ՝ ամբողջ Սիրիայի:

Նրա կարծիքով՝ հակամարտության կարգավորմանը, բացի Սիրիայից, պետք է մասնակցեն նաև տարածաշրջանի մյուս երկրները, ինչպես նաև ՄԱԿ-ը:

Նշենք, որ սա Սիրիայի փոխվարչապետի առաջին ելույթն էր 2011 թվականի հունիս ամսից ի վեր: 2012-ի օգոստոս ամսին ապստամբները հայտարարել էին, որ նա փախել է երկրից, սակայն սիրիական իշխանությունները նույն օրը հերքել էին այս տեղեկությունը: