Հույներն անջատվել են Թուրքիայից 10-կիլոմետրանոց պատով

Հունաստանը ավարտել է ավելի քան 10 կիլոմետր երկարությամբ պատի կառուցումը Թուրքիայի հետ սահմանին՝ անօրիանական ներգաղթյալների հոսքը պակասեցնելու նպատակով. այս մասին կիրակի օրը հաղորդել է աթենական գործակալությունը՝ հղում կատարելով նախագիծը սպասարկող շինարարական ընկերության ղեկավար Պետրոս Դագրեսին: Պատի գինը կազմել է 3,2 մլն եվրո: Կապալառուի տվյալներով՝ պատն անցել է Կաստանես սահմանային կետից մինչև Մարիցա գետը և փակել սահմանի ամբողջ ցամաքային հատվածը:

Պատը կառուցելու համար պահանջվել է մոտ 6 հազար խորանարդ/մետր բետոն, 800 տոննա երկաթ, 370 կմ տարբեր տեսակի լարեր: Շինարարույթունը տևեց մոտ մեկ տարի՝ պլանավորածից շատ ավելի երկար: Կապալառուն բացատրեց ուշացումը եղանակային պայմաններով: Նման շինարարությանը դեմ էին հանդես գալիս երկրի ձախ ընդդիմադիր ուժերը և մի շարք իրավապաշտպան հասարարական կազմակերպություններ:

Այսպիսով՝ անօրինական ներգաղթյալների մուտքը Հունաստան զգալի բարդացել է. նրանք ստիպված կլինեն կա՛մ հաղթահարել կառուցված պատը, որը կպաշտպանեն հունական և եվրոպական սահմանապահները, կա՛մ հատել Մարիցա սահմանային գետը: Երրորդ ճանապարհը նեղուցներն են, որոնք անջատում են Թուրքիայի ափերը հունական կղզիներից:

Հիշեցնենք, որ շաբաթ օրը Լեսբոս կղզու մոտակայքում ներգաղթյալներով լի նավակ էր խորտակվել. 20 մարդ մահացել է, 8-ը՝ անհայտ կորել: