Եգիպտոսում ընդդիմությունը բողոքարկում է Սահմանադրական հանրաքվեի արդյունքները

Եգիպտոսում ավարտվել է երկրի նոր Սահամանադրության համար նշանակված հանրաքվերի 1-ին փուլը: Ըստ նախագահ Մուրսիին աջակցող «Մուսուլման եղբայրներ» իշխող կուսակցության տվյալների՝ նոր սահմանադրության նախագծին կողմ է քվեարկել եգիպտացիների 59%-ը:

Եգիպտոսի ընդդիմադիր «Ազգային փրկության ճակատ» կոալիցիան պահանջում է կազմակերպել Սահմանադրական հանրաքվեի առաջին փուլի կրկնակի քվեարկություն: Ըստ ընդդիմության՝ քվերակության ժամանակ թույլ է տրվել շուրջ 4 հազար խախտում:

«Երկիրը պառակտվել է, թույլ են տրվել աղմկալի խախտումներ, քվեարկողները մասնակցության ցածր ակտիվություն են ցուցաբերել, իսլամիստների նկատմամբ հիասթափությունը մեծանում է»,-հայտարարել է ճակատի ղեկավար Մուհամմեդ ալ Բարադին:

Հիշեցնենք, որ շաբաթ օրը Եգիպտոսում ընթացել էր Սահմանադրական հանրաքվեի առաջին փուլը, որի ժամանակ քվեարկությանը մասնակցել էին Եգիպտոսի 10 նահանգների բնակիչները:

Մնացյալ 17 նահանգների քվեարկությունը կկայանա դեկտեմբերի 22-ին. տեղեկացնում է Russia Today-ը: