Իվանիշվիլիի բիթքոինները գողացած տղամարդը գաղտնի փախել է Հայաստան․ Վրաստանի ՆԳՆ
Վրաստան
Վրաստանի իշխող «Վրացական երազանք» կուսակցության հիմնադիր Բիձինա Իվանիշվիլիի նախկին գործընկեր Գեորգի Բաչիաշվիլին գաղտնի լքել է Վրաստանը: Նա Հայաստան է մեկնել ռուսական անձնագրով։ Այս մասին հայտնել են Վրաստանի ՆԳՆ-ից, փոխանցում է EADaily-ն։
«Քրեական գործի քննության շրջանակներում պարզվել է, որ մարտի 2-ին Բաչիաշվիլին գաղտնի հատել է Վրաստանի պետական սահմանը՝ շրջանցելով սահմանային անցակետը, իսկ դրանից հետո ՀՀ սահմանային անցակետում ներկայացրել Է ՌԴ քաղաքացիությունը հաստատող այլ անձնագիր և հատել սահմանը», - ասված է հաղորդագրության մեջ:
Մարտի 4-ին նա սոցցանցերում հայտնել էր, որ լքել է երկիրը իր կյանքին սպառնացող վտանգի պատճառով։ Վրաստանում նրան մեղադրանք է առաջադրվել սահմանն ապօրինի հատելու համար։
Ինչպես հաղորդում է Sputnik Georgia-ն, կալանավորումը որպես խափանման միջոց ընտրելուց հետո Բաչիաշվիլիի նկատմամբ հետախուզում է հայտարարվելու, և դատախազությունն իրավունք է ստանալու պահանջել նրան արտահանձնել արտասահմանյան երկրներից:
Հետաքննության վարկածով՝ նա Իվանիշվիլիին համոզել է ներդրումներ կատարել բիթքոինների մայնինգում, իսկ հետո յուրացրել եկամուտը։
Վրաստանում մեղավորությունը հաստատելու դեպքում նրան սպառնում է մինչև 9 տարվա ազատազրկում:
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
