Հունվարի 1-ից՝ Քանաքեռ-Ալմաստ-Հրազդան

2013 թվականի հունվարի 1-ից դադարեցվելու է Հրազդան-Ալմաստ-Հրազդան մերձքաղաքային էլեկտրագնացքի երթևեկությունը, որի փոխարեն կգործի Քանաքեռ-Ալմաստ-Հրազդան գնացքը:

Էլեկտրագնացքը գործելու է ամեն օր՝ բացի չորեքշաբթի օրերից: Գնացքը Քանաքեռ կայարանից մեկնելու է 8:30-ին՝ Ալմաստ և Հրազդան ժամանելով համապատասխանաբար 8:39-ին և 10:25-ին:

Հրազդանից էլեկտրագնացքը մեկնելու է 17:30-ին՝ Ալմաստ և Քանաքեռ ժամանելով համապատասխանաբար 18:55-ին և 19:24-ին: