Ովքե՞ր են 2012-ի ամենացանկալի հայերը

«ԷԼ Style»-ը Երեւանի սրճարաններից մեկում երեկ երեկույթ էր կազմակերպել՝ հայտարարելու 2012 թվականի 30 ամենացանկալի հայերի անունները, որոնք ընտրվել են ամսագրի ընթերցողների քվեարկությամբ:

Միջոցառման հանդիսավար Աննա Գրիգորյանը մինչ հաղթողների անունները հայտարարելը ներկայացրել է նրանց լուսանկարների հեղինակներ Արտաշես Մարտիրոսյանին, Վահան Ստեփանյանին, Արմեն Աղայանին, Արվին Քոչարյանին եւ Տուշո Բարսեղյանին: Իսկ ամենացանկալի հայերի անունները հայտարարվելուց հետո նրանց լուսանկարները տեղում փակցվել են սրճարանի պատերին:

«ԷԼ Style» ամսագրի պատասխանատու-խմբագիր Էդիտա Գաբոյանը BRAVO.am-ի հետ զրույցում նշել է, որ հորիզոնականներ չեն նշվում մասնակիցների մեջ ավելորդ լարվածություն եւ սկանդալներ չառաջացնելու նպատակով. «Միայն ամենաբարձր ձայներ հավաքած թեկնածուներից խմբագրությունն ընտրում է այն ցանկալիին, որը կդառնա շապիկի հերոս»:

Էդիտան նաեւ հետեւյալն է հավելել. «Լուսանկարները պետք է լինեն բաց, համարձակ ու սեքսուալ, եւ եթե տվյալ հայտնի մարդը չի ցանկանում այդպես լուսանկարել, ապա այս նախագծի ֆորմատին չի համապատասխանում»:

Եվ այսպես, ըստ ամսագրի խմբագրակազմի եւ ընթերցողների՝ 2012 թվականի ամենացանկալի հայը երգչուհի Իվետա Մուկուչյանն է, որը կլինի ամսագրի նոր համարի շապիկի հերոսը: Նա, շնորհակալություն հայտնելով իր համար քվեարկած մարդկանց, հիշել է, որ երեք տարի առաջ ընդհանրապես հայտնի չէր եւ աշխատասիրության շնորհիվ այժմ հասել է ամենացանկալիի տիտղոսին. «Շնորհակալ եմ ինձ սիրող մարդկանց, որ հավատացել են: Շատ հաճելի է ցանկալի լինելու փաստը: Նաեւ շնորհակալ եմ լուսանկարիչ Արմեն Աղայանին. նա գիտի՝ ինչպես ինձ լուսանկարել եւ ճիշտ մատուցել»։

Նշենք, որ նախորդ տարիներին առաջին հորիզոնականն են զբաղեցրել Նազենի Հովհաննիսյանը, Քիմ Քարդաշյանը եւ Սիրուշոն: 

Ստորեւ ներկայացնում ենք «30 ամենացանկալի հայերը-2012» նախագծի հաղթողների ամբողջական ցանկը՝ պատահական դասավորությամբ.

1. Երգչուհի Իվետա Մուկուչյան
2. Մոդել Վարդան Մնացականյան
3. «Արմենոիդ» Էդգար Ռոստոմյան
4. Երգիչ Միհրան Ծառուկյան
5. Հեռուստահաղորդավար Լիաննա Տեր-Մինասյան
6. DJ Սերժո
7. «Միսս Հայաստան» Աննա Առաքելյան
8. Դերասան Սարգիս Գրիգորյան
9. Դերասան Արման Նշանյան
10. Երգչուհի Rippi
11. Երգիչ Սուրեն Առուստամյան
12. Երգչուհի Լիլու
13. «Վիտամինցի» Գարիկ Պապոյան
14. Հաղորդավարուհի Հերմինե Ստեփանյան
15. Շախմատիստ Լեւոն Արոնյան
16. Մոդել-դիզայներ Մարի Աքսել
17. Բռնցքամարտիկ Արթուր Աբրահամ
18. Երգիչ Էրիկ
19. Մոդել Սեդա Սերոբյան
20. Ռեփեր Միշո
21. Երգչուհի Էմմի
22. Երգիչ Անդրե
23. Դերասանուհի Նազենի Հովհաննիսյան
24. Դերասան Սոս Ջանիբեկյան
25. Երգչուհի Անահիտ Սիմոնյան
26. Ֆուտբոլիստ Հենրիխ Մխիթարյան
27. Հաղորդավարուհի Արեւիկ Ուդումյան
28. Դերասանուհի Սոֆյա Պողոսյան
29. Երգչուհի Սիրուշո
30. Մոդել-հաղորդավար Աննա Գրիգորյան

{gallery}094{/gallery}