Վրացական ընդդիմությունը զրկված է և՛ առաջնորդից, և՛ վարկանիշից․ պատգամավոր

Վրացական արմատական ընդդիմությունը ոչ միայն զրկված է առաջնորդից, այլև վարկանիշից, հայտարարել է Վրաստանի խորհրդարանի ընթացակարգային հարցերի հանձնաժողովի նախագահ Դավիթ Մատիկաշվիլին, փոխանցում է 1TV-ն:

«Մենք լավ ենք հիշում, թե ինչպես էր արմատական ընդդիմությունը խոսում Սալոմե Զուրաբիշվիլիի մասին, երբ նա նախագահի թեկնածու էր։ Մենք նաև հիշում ենք, թե ինչպես են նրանք հետո հայտնվել նույն նավակում, ինչպես են արտասահմանից միասին առաջադրանքներ ստացել», - ասել է պատգամավորը։

Մատիկաշվիլիի խոսքով՝ իրենք չեն կարողացել կատարել այդ խնդիրները, չեն կարողացել երկրում անկարգություններ հրահրել, հեղափոխություն կազմակերպել:

«Հնարավոր է, որ նրանց ներքին շահերն արդեն չեն համընկնում, բայց արդյունքում նույն նավակում գտնվող Սալոմե Զուրաբիշվիլիի և մնացած արմատականների համար կարևոր չէ՝ կմիավորվեն, թե կփլուզվեն, որովհետև նրանց վարկանիշը զրո է։ Արմատական ընդդիմությունը ոչ միայն զրկված է առաջնորդից, այլեւ վարկանիշից», - հայտարարել է Մատիկաշվիլին։