Վրաստանում օտարերկրյա փողերով հրապարակայնորեն կոչ են անում հանցագործություններ կատարել

Տարիներ շարունակ Վրաստան գումար է մուտքագրվել հակապետական գործունեություն իրականացնելու համար, հայտարարել է «Չեզոք Վրաստան» կուսակցության անդամ Վատո Շաքարիշվիլին՝ մեկնաբանելով եվրոպամետ բողոքի ակցիաների մասնակիցներին օգնած հիմնադրամների հաշիվների կալանքը, փոխանցում է EADaily-ն:

«Տարիներ շարունակ Վրաստան են մտնում և շրջանառվում գումարներ, որոնք օգտագործվում են երկրում հեղափոխական գործընթացների, հեղաշրջման փորձերի, հակապետական և հակավրացական գործունեության ֆինանսավորման համար։ Այդ միջոցներով նաեւ ուղղակիորեն եւ հրապարակայնորեն կոչ են անում մարդկանց հանցագործություններ կատարել, իսկ հետո նրանց փոխհատուցում կամ այլ իրավական օգնություն են խոստանում», - նշել է Շաքարիշվիլին։

«Մենք հույս ունենք, որ սա վերջին գործողությունը չէ, որ քննչական մարմինները կձեռնարկեն մեր դիմումի հիման վրա։ Մենք դատախազություն ենք ներկայացրել բազմաթիվ փաստաթղթեր, նյութեր, որոնք քաղաքացիական անձը կարող էր փնտրել օրենքի շրջանակներում։ Մնացածն արդեն դատախազության իրավասությունն էր, եւ, կարծես, ապացույցներ կային, որոնք հիմք են հանդիսացել այդ միջոցների ձերբակալման համար», - հայտարարել է նա։