Վնասակար սովորությունները կրճատում են մեր կյանքի ժամերը. Գիտնականներ

Վնասակար սննդի, ալկոհոլի, հեռուստացույցի,ինչպես նաև ծխախոտի չարաշահումը խլում է մարդու կյանքից օրական 30 րոպե. պարզել են բրիտանացի գիտնականները, որոնց աշխատությունը հրապարակվել է British Medical Journal-ում:

Քեմբրիջի համալսարանի վիճակագրության պրեֆեսոր դոկտոր Դեվիդ Սփիջելհելթերը որոշել է գտնել պարզ միջոց կյանքի սպասվող տևողության վրա ամենօրյա սովորությունների ազդեցության գնահատման համար: Նա որոշեց օգտագործել արագ կամ դանդաղեցված ծերացման կոնցեպտը՝ վնասակար սովորությունների ազդեցությունը դարձնելով «միկրոկյանքեր», որոնք հավասար են կյանքի սպասվող տևողության 30 րոպեին: Օգտագործելով բնակչության առողջական վիճակի մասին գոյություն ունեցող տվյալները՝ գիտնականը պարզել է, որ «միկրոկյանքը» կարող է վատնվել օրվա ընթացքում երկու ծխախոտի, մեկ համբուրգերի, 5 կիլոգրամ ավելորդ քաշի, երկու և ավելի չափաբաժին ալկոհոլի, կամ հեռուստացույցի առջև երկու ժամ շարունակ անցկացնելու օգտագործման պատճառով: Մյուս կողմից կարելի է ձեռք բերել հավելյալ «միկրոկյանքեր», եթե չօգտագործել մեկ չափաբաժնից ավել ալկոհոլ, ուտել առավելապես մրգեր, բանջարեղեն, սպորտով զբաղվել, ընդունել օրգանիզմում խոլեստերինի մակարդակը նվազեցնող դեղամիջոցներ: