Կուբայում ապրում է 24 մատ ունեցող երիտասարդ
Հասարակություն
Կուբայի Գուանտանամո նահանգում ապրում է մի երիտասարդ, ով տառապում է հազվագյուտ հիվանդությամբ: էռնանդես Գարիդոն, որին ծանոթները կոչում են 24, իր բոլոր վերջույթների վրա ունի 6-ական մատ. տեղեկացնում է Associated Press-ը:
Էռնանդեսը հպարտանում է իր յուրահատկությամբ և իր լրացուցիչ մատներն անվանում է Աստծո օրհնություն: Նա հեշտությամբ բարձրանում է ծառերի վրա և կոկոսներ պոկում: Նրանով հետաքրքրվում են զբոսաշրջիկները, ովքեր ցանկանում են լուսանկարվել նրա հետ, նույնիսկ երբեմն գումար են վճարում դրա դիմաց:
Հիվանդությունը, որով նա տառապում է, կոչվում է պոլիդակտիլիա: Այդ հիվանդությունը բավական տարածված է, սակայն նման կատարյալ համաչափությամբ շատ հազվադեպ է դրսևորվում:
Մանուկ հասակում նրան զննել է նույնիսկ Ֆիդել Կաստրոյին բուժող բժիշկը, ով նշել է, որ երբեք նման կատարյալ պոլիդակտիլիայի չի հանդիպել: Երիտասարդի մատները շատ հարմոնիկ են ձուլվում, և կարելի է անգամ դա չնկատել:
Էռնանդեսը հումորով է հիշում դեպքը, երբ դպրոցում ուսուսչուհին նրան հարցրել է, թե որքան կլինի 5+5, իսկ ինքը չի կարողացել պատասխանել: Այդ ժամանակ ուսուչուհին հուշելու համար խորհուրդ է տվել հաշվել 2 ձեռքի մատները, ինչին պատանին պատասխանել է, որ 5+5 կլինի 12:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
