Այսօր սպասվում են G3 մակարդակի մագնիսական փոթորիկներ

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը. «Մագնիսական փոթորիկների կանխատեսում մարտի 23-ի համար․

Պլազմային ամպի ժամանումը, որի հետ կապված է գեոմագնիսական իրավիճակի սպասվող վատթարացումը, Երկրի ուղեծիր, ըստ հաշվարկների, կանխատեսվում է Երևանի ժամանակով մոտավորապես առավոտյան ժամը 04:00-ին։ Այդ գեոմագնիսական լարվածության հետ կապված ընդհանուր տևողությունը կկազմի ավելի քան 30 ժամ: Ամենաուժեղ մագնիսական փոթորիկները սպասվում են Երևանի ժամանակով ժամը 04:00-ից մինչև 16:00-ն ընկած ժամանակահատվածում, առավելագույնը՝ առավոտյան ժամը 09:00-ին: Այս պահին փոթորկի ամենահավանական մակարդակը համարվում է G3 (ուժեղ): Ավելի բարձր G4 մակարդակի հասնելու հավանականությունը մոտ 10% է:

Նախնական՝ փոթորիկների ֆոնին, հնարավոր է, բևեռափայլի գոտու իջեցում մինչև 50-55 աստիճան աշխարհագրական լայնություններ, այսինքն՝ մինչև Մոսկվա նույնիսկ ավելի ցածր։

Ի՞նչ ախտանշաններ են լինում մարդկանց մոտ մագնիսական փոթորիկների ժամանակ:

Մագնիսական փոթորիկներն ամենամեծ ազդեցությունն ունեն եղանակի նկատմամբ զգայուն մարդկանց, տարեցների, քրոնիկ հիվանդների և հղիների վրա։ Մագնիսական փոթորկի ախտանիշները կարող են շատ տարբեր լինել, բայց ամենատարածվածներն են.

գլխացավ,
գլխապտույտ,
սրտխառնոց և փսխում,
ցավ հոդերի և մկանների մեջ,
ջերմություն,
բարձր արյան ճնշում,
անքնություն։

Նման օրերին լուրջ հիվանդությունները հազվադեպ են և մարդկանց մեծամասնության համար փոթորիկները անցնում են առանց առողջական լուրջ հետևանքների»: