Աբխազիայի ԱԳՆ-ն հայտարարել է՝ Իվանիշվիլին չի կատարում խոստումները

Աբխազիայի ԱԳՆ-ն մեկնաբանել է Վրաստանի քաղաքացիական ավիացիայի գործակալության հայտարարությունը Սուխումի օդանավակայան ռուսական ավիաընկերությունների կանոնավոր չվերթների արգելքի հասնելու մտադրության մասին, փոխանցում է EADaily-ն:

«Աբխազիայի Հանրապետության եւ Հարավային Օսիայի հետ կառուցողական երկխոսության պատրաստակամության մասին վրացի քաղաքական գործիչների վերջին հայտարարությունները, այդ թվում՝ իշխող «Վրացական երազանք» կուսակցության նախագահ Բիձինա Իվանիշվիլիի հայտարարությունը, որ «Վրաստանը պետք է ներողություն խնդրի օսական կողմից 2008 թվականի համար եւ պատժի նախկին իշխող կուսակցությանը», հուսադրում էր Աբխազիայի Հանրապետությանն ակնկալել պրագմատիկ փոխգործակցության սկիզբ՝ հիմնված Անդրկովկասում ստեղծված իրողությունների ճանաչմամբ», - նշել են Սուխումում:

Սակայն, ԱԳՆ-ում ընդգծել են փոխհարաբերությունների կարգավորմանն ուղղված պրագմատիկ մոտեցման փոխարեն, վրացական իշխանությունները շարունակում են «շաբլոնային, քաղաքականապես կողմնակալ եւ իրականությունից կտրված հայտարարություններ անել, որոնք արդեն իսկ շատ են եւ միայն լրացուցիչ լարվածություն են ստեղծում»:

«Վրացական ղեկավարության հերթական հարձակումներն անդառնալի բնույթ կրող գործընթացներին խոչընդոտելու փորձ են։ Նման մոտեցումները ոչ միայն չեն նպաստում ձգձգված ճգնաժամի կարգավորմանը, այլեւ խաթարում են երկխոսության բուն հնարավորությունը՝ միայն ուժեղացնելով փոխադարձ անվստահությունը մեր երկրների միջեւ», - հայտարարել է Աբխազիայի ԱԳՆ-ն։