Թուրքիայի կողմից Հայոց ցեղասպանությունը չընդունելը խոչընդոտում է նրա ժողովրդավարացմանը

Ի պատասխան Դանիայի թագավորական թանգարանի կողմից Թուրքիային տրված թույլտվության՝ թանգարանում ցուցադրել հայոց ցեղասպանության իր տարբերակը որոշ թուրք ակադեմիկոսներ, գրողներ, խորհրադարանի նախկին անդամներ քաղաքապետարան նամակ են հղել` դատապարտելով վերջինիս քայլը: Այս մասին տեղեկացնում է Asbarez.com լրատվական կայքը:

Նամակում, որը վերնագրված է «Մի՛ խանգարեք Թուրքիայի ժողովրդավարացմանն ու պատմության առճակատմանը», շարադրված է.

«Սխալ է  1915 թվականին տեղի ունեցած դեպքերը մեկնաբանել երկու տեսանկյունից: Շուրջ մեկ միլիոն Օսմանյան կայսրության հայեր բռնագաղթի ենթարկվեցին կամ բնաջնջվեցին, որպեսզի չկարողանան ունենալ իրենց առաջխաղացումը միջազգային քաղաքականության մեջ: Պատմության իրական ըմբռնումը բացասական ազդեցություն չի կարող ունենալ իրական ժողովրդավարության վրա: Թուրքական կառավարությունը 90 տարի շարունակ ճնշում է պատմական իրականությունը և հետևում ժխտման քաղաքականությանը: Ի պատասխան թուրք շատ մտավորականների պահանջների՝ կառավարությունից ընդունել իրական պատմությունը, պարբերաբար ենթարկվում են ճնշումների և վախի քաղաքականության, որն իր գագաթնակետին հասավ 2007 թվականին լրագրող Հրանտ Դինքի սպանությամբ: Մարդու իրավունքների Եվրոպական դատարանը շատ դեպքերում դատապարտել է Թուրքիայի տվյալ գործողությունները:

Թուրքիայի կառավարությանը հնարավորություն տալով ներկայացնել «ալտերնատիվ ցուցադրություն»` օժանդակում եք վերջինիս կողմից որդեգրված ճնշման և վախի քաղաքականությանը:

Սա նաև իր տարածաշրջանային կողմն ունի: Միջին Արևելքում խաղաղության, ժողովրդավարության և կայունության կարելի է հասնել միայն այն դեպքում, եթե պետություններն ազնիվորեն ընդունեն իրենց պատմությունը: Իր այս մերժողական քաղաքականությամբ Թուրքիան խոչընդոտում է Միջին Արևելքում խաղաղությանը, ժողովրդավարությանն ու կայունությանը: Մենք՝ որպես Թուրքիայի ժողովրդավարական հանրություն, պահանջում ենք անմիջապես մերժել թույլտվությունը՝ կազմակերպել հայոց ցեղասպանության «ալտերնատիվ ցուցադրություն», և կոչ ենք անում միանալ մեր` Թուրքիայի կողմից իր պատմության ազնվորեն ընդունման պահանջին»:

Նամակի տակ ստորագրել են այնպիսի նշանավոր քաղաքական գործիչներ, գրողներ, գիտնականներ, քաղաքական ներկայուցիչներ, ինչպիսիք են՝ Թաներ Ակչամ (պատմության պրոֆեսոր), Այհան Ախտար (սոցիոլոգիայի պրոֆեսոր), Չենգիզ Ախթար (քաղաքական գիտությունների պրոֆեսոր), Չենգիզ Ալգան (DurDe ՀԿ-ի ղեկավար ), Ահմեթ Ալթան ( Taraf թերթի գլխավոր խմբագիր), Օյա Բայդար(գրող), Օսման Բեյմեդիր (Դիարբեքիր քաղաքապետ),Մուրատ Բելգե (գրականության պրոֆեսոր),  Օրալ Չալշլար( Radikal թերթի թղթակից), Այդըն Էնգին ( T24 վեբլրատվության հիմնադիր-խմբագիր), Ջեմ Օզդեմիր (German Green Party կուսակցության համանախագահ),Սիրի Սակիկ (խորհրդարանի անդամ), Ուֆուկ Ուրաս (նախկին խորհրդարանի պատգամավոր):