Մարկ Ցուկերբերգը Facebook սոցցանցի բաժնետոմսերից մոտ 500 մլն դոլար նվիրաբերել է բարեգործության համար

Մարկ Ցուկերբերգն իր սոցցանցի 18 մլն բաժնետոմս է նվիրաբերել բարեգործության համար՝ տրամադրելով այդ գումարը Silicon Valley Community Foundation հիմնադրամին, որը կզբաղվի այդ գումարի բաշխմամբ: Այս մասին Ցուկերբերգը հայտնել է ֆեյսբուքյան իր էջում: Խոսքը մոտ 500 մլն դոլարի չափով նվիրաբերման մասին է: Ցուկերբերգի խոսքերով՝ երկու տարի առաջ նա փաստաթուղթ էր ստորագրել, որի համաձայն՝ պարտավորվում էր բարեգործությանն ուղղել աշխատած միջոցների մեծ մասը:

Առաջին խոշոր նախագիծն այս փաստաթղթի շրջանակներում, ինչպես հիշեցրել է Ցուկերբերգը, օգնել է բացել Նյուարք քաղաքում տասնյակ նոր դպրոցներ և գործարքներ կնքել ԱՄՆ-ի լավագույն ուսուցիչների հետ: Այս նախագծի համար նվիրաբերվել է 100 մլն դոլար: