Պահանջ ՀՀ վարչապետից և գլխավոր դատախազից

Դեռևս ս. թ. հոկտեմբերի 25-ին մեր նախաձեռնությունները մամուլին ներկայացրել էին Հայաստանի Հանրապետությունում բնության ահագնացող չափերի ավերման, բնական ռեսուրսների անխնա շահագործման եւ տնտեսության ոչ ռացիոնալ զարգացման վերաբերյալ հայտարարություն և կից ներկայացրել հիմնախնդիրները հիմնավորող տեղեկանք.

http://hetq.am/arm/news/19853/pataskhanatvutyan-kanchel-hh-bnapahpanutyan-nakhararin-ev-xekavar-kazmin.html

Նշյալ բողոքը և պահանջները նոյեմբերի 5-ին պաշտոնական նամակի տեսքով ներկայացվել են նաև ՀՀ վարչապետին և գլխավոր դատախազին: Օրենքով սահմանված 30-օրյա ժամկետում մեր նամակներին պաշտոնական պատասխան ստանալու փոխարեն, դեկտեմբերի 18-ին, և միայն մեր գրած հիշեցում-նամակներից հետո, հրավիրում են մեզ դեկտեմբերի 20-ին ժամը 17.00 ին մասնակցելու ՀՀ բնապահպանության նախարարի առաջին տեղակալ պարոն Ս. Պապյանի մոտ տեղի ունենալիք քննարկմանը կապված մեր կողմից ՀՀ կառավարությանը ուղղված նամակում բարձրացված խնդիրներին: Հարգանքով վերաբերվելով այդ հրավերքին, ամեն դեպքում ստիպված ենք հրաժարվել, քանի որ մեր բարձրացրած հարցերի լուծումը մենք տեսնում ենք այն պետական մարմիններում, ում դիմել ենք, և անիմաստ ենք համարում դրանք քննարկել բնապահպանության նախարարության հետ:

Պահանջում ենք ՀՀ վարչապետից և գլխավոր դատախազից պաշտոնապես պատասխանել դեռևս նոյեմբերի 5-ին իրենց ներկայացված մեր դիմումներին, այլ ոչ թե վերահասցեագրել դրանք այլ պետական մարմինների:

19.12.2012

«Թռչկան» քաղաքացիական նախաձեռնություն
«Խոսրովի արգելոց» քաղացիական նախաձեռնություն
«Ջերմուկը հանք չի դառնա» քաղացիական նախաձեռնություն
«Թեղուտի պաշտպանության» քաղաքացիական նախաձեռնություն