«168 ժամ». Զուրաբյանի և Օսկանյանի դիմումն ուղարկել են ՀՔԾ
Հայկական Մամուլ
ԱԺ պատգամավորներ Լևոն Զուրաբյանն ու Վարդան Օսկանյանը հայտնի ձայնագրության հեղինակին գտնելու համար պաշտոնական գրությամբ դիմել էին ՀՀ գլխավոր դատախազություն: «168 ժամ»-ի թղթակցի հետ զրույցում ՀՀ գլխավոր դատախազի մամուլի քարտուղար Սոնա Տռուզյանը երեկ ասել է, որ Լ. Զուրաբյանի և Վ. Օսկանյանի ստորագրությամբ գրությունը ստացվել է ՀՀ գլխավոր դատախազությունում՝ դեկտեմբերի 19-ին, 16:25-ի դրությամբ: «Գրությամբ առաջարկվում է՝ իրենց զրույցի ապօրինի գաղտնալսման և սոցցանցերում տեղադրման կապակցությամբ հարուցել քրեական գործ, հայտնաբերել և պատժել հանցագործության պատասխանատուներին: Կից ներկայացնելով՝ իրենց կողմից նախկինում հնչեցրած հայտարարությունները»,- ասել է Ս. Տռուզյանը:
Նա տեղեկացրել է նաև, որ գրությունը երեկ արդեն ՀՀ գլխավոր դատախազի հանձնարարությամբ ուղարկվել է ՀՀ Հատուկ քննչական ծառայություն՝ քրեադատավարական կարգով ընթացք տալու և որոշում կայացնելու համար:
Հիշեցնենք, որ օրեր առաջ youtube-ում տեղադրվել էր ԲՀԿ-ական Վարդան Օսկանյանի և ՀԱԿ համակարգող Լևոն Զուրաբյանի միջև «Rich» սրճարանում տեղի ունեցած զրույցի ձայնագրությունը, որը, սակայն, դեկտեմբերի 18-ին հեռացվել է youtube-ից:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
