Կառավարությունը նոր օրենք է ընդունել թիկնապահների վերաբերյալ

Գործադիրն այսօրվա նիստում որոշեց Հայաստանի Հանրապետության կառավարության 2012 թվականի օգոստոսի 30-ի «Մասնավոր պահնորդական գործունեության լիցենզավորման կարգը, լիցենզիա ստանալու մասին հայտնի և լիցենզիայի ձևերը հաստատելու մասին» N 1152 որոշման 2-րդ կետում «հունվարի» բառը փոխարինել «մայիսի» բառով:

Նախագծի ընդունումը պայմանավորված է այն հանգամանքով, որ 2013թ. հունվարի 1-ից «Մասնավոր պահնորդական գործունեության մասին» օրենքի ուժի մեջ մտնելու դեպքում, իրավաբանական անձինք հնարավորություն չեն ունենում ստանալ բարդ ընթացակարգով տրվող լիցենզիա, որովհետև վերջինիս տրամադրելու համար անհրաժեշտ պայման է որակավորման ստուգում անցած աշխատակիցների առկայությունը:

Նախագծի կարգավորման նպատակն է ՀՀ կառավարության 2012 թվականի օգոստոսի 30-ի «Մասնավոր պահնորդական գործունեության լիցենզավորման կարգը, լիցենզիա ստանալու մաuին հայտի և լիցենզիայի ձևերը հաuտատելու մասին» N 1152-Ն որոշման ուժի մեջ մտնելը հետաձգելու միջոցով ողջամիտ ժամանակ տրամադրել պահնորդների (թիկնապահների) թեկնածուներին՝ համապատասխան կրթական հաստատություններում անցնելու մասնագիտական ուսուցում (որակավորում), իսկ այնուհետև՝ որակավորման ստուգում, ինչը հնարավորություն կտա իրավաբանական անձանց՝ մասնավոր պահնորդական գործունեությամբ զբաղվելու լիցենզիա ստանալու նպատակով դիմել լիցենզավորող մարմնին:

Նախագծի ընդունման արդյունքում կկանոնակարգվի իրավաբանական անձանց կողմից մասնավոր պահնորդական գործունեությամբ զբաղվելու լիցենզիա ստանալու նպատակով լիցենզավորող մարմնին դիմելու գործընթացը: