Տրամաբանական կլիներ, որ դադարեցվեին աշակերտական այցերն ԱԺ․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Այսօր լուր եմ կարդում, որ տարբեր դպրոցների աշակերտներ այցելել են ԱԺ և հանդիպել այնտեղ մեծամասնության ներկայացուցիչների հետ, որոնք էլ աշակերտներին ներկայացրել են պետական քաղաքականության ինչ որ բաներ:

«Որովհետև 7 տարի անց ես պատահական Արմավիրի մարզով գնում եմ Փշատավան, մեկ էլ խելքս բրդում է, ասում եմ՝ ստեղ կանգնեք, իջնում եմ, 10 րոպե խոսում եմ մարդկանց հետ ու հասկանում եմ, որ 7 տարի բոլորդ՝ իմ գլխավորությամբ, մնացել ենք առաջին դասարանում, որովհետև թուղթ է, որ պրինտ ենք անում»: Սա ԱԺ մեծամասնության առաջնորդի խոսքերն են կառավարության նախորդ նիստում:

Կարծում եմ, որ դրանից հետո տրամաբանական կլիներ, որ դադարեցվեին աշակերտական այցերը ԱԺ և հանդիպումները մեծամասնության ներկայացուցիչների հետ՝ ելնելով աշակերտների լավագույն շահից:

Թեև, հնարավոր է վարչապետ Փաշինյանի խոսքը վերաբերել է միայն կառավարությանը, այլ ոչ թե նաև իր առաջնորդած ուժի խորհրդարանական մեծամասնությանը: Բայց, այդ դեպքում էլ հարց կառաջանա, թե այդ մեծամասնությունը եթե այնպիսին չէ, ինչպիսին իր խոսքում ներկայացնում է վարչապետ Փաշինյանը, ապա ինչո՞ւ անվստահություն չի հայտնում այն կառավարությանը, որին վերաբերում է խոսքը»: