France 24-ն անդրադարձ է կատարել ԼՂՀ-ին

Ֆրանսիական France 24 գործակալությունը երեկ անդրադարձ է կատարել Լեռնային Ղարաբաղին:

Հոդվածում նշվում է, որ այն հայերով բնակեցված տարածք է, որը, սակայն, Սովետական ժամանակներում կառավարվում էր ադրբեջանցիների կողմից: 1991 թվականին այն հռչակեց իր անկախությունը: Երեք տարի տևացած պատերազմը խլեց շուրջ 30000 կյանք: Սակայն մինչև այժմ էլ կայուն խաղաղություն գոյություն չունի: Սահմանային գծին հրադադարի խախտումները պարբերաբար բնույթ են կրում:

Լեռնային Ղարաբաղի հարցը երկու պետությունների կողմից տարբեր կերպ է բնութագրվում: Հայերը նշում են, որ այն ադրբեջանցիների կողմից օկուպացված է եղել: Իսկ Ադրբեջանը նշում է, որ 70 տարվա ընթացքում հայերն ապրել են խաղաղության մեջ, և ոչ մեկ չի վնասել նրանց, և որ հայերը սկսեցին այդ կոնֆլիկտը` գրավելով իրենց հողերը:

Երկու պետության նախագահները մի շարք հանդիպումներ են ունեցել Ռուսաստանի և Արևմտյան պետությունների հետ: Սակայն  անհանգստություն կա, որ Ադրբեջանի պաշտպանության նախարարության կողմից օրեցօր նոր զինամթերքի գնումն ու ռազմական բյուջեի աճը կարող է հանգեցնել երկրորդ Ղարաբաղյան պատերազմին` հատկապես հաշվի առնելով Ադրբեջանի կոչերին, որ եթե չկարողանան այդ հարցը լուծել խաղաղ ճանապարհով, ապա իր հողերը հետ կբերի ռազմական ուժի միջոցով:

Սակայն հակառակ այս կոչերին՝ Ղարաբաղի Ստեփանակերտի հյուրանոցներից մեկում նախագահի խորհրդականը նշեց, որ Ադրբեջանը նախընտրում է Լեռնային Ղարաբաղի ներկայիս կարգավիճակը, սակայն Ղարաբաղին այդպիսի կարգավիճակ տալուց հետո նույն բանը կպահանջեն նաև այլ ազգային փոքրամասնություններ, ինչպիսիք են քրդերը, թալիշները, լեզգիները: Այսպիսով՝ Ղարաբաղին ինքնավարություն տալն իրական սպառնալիք է երկրի ամբողջականությանը, և Ղարաբաղում երկրորդ պատերազմի սկսվելն անհնար է համարվում: