Հայերն աշխարհում ամենաքիչն են դրական էմոցիաներ ապրում. հարցում

Ըստ Gallup ընկերության մասնագետների անցկացրած հարցման՝ Հայաստանի, Սինգապուրի, Իրաքի բնակիչներն աշխարհում ամենաքիչն են  դրական էմոցիաներ ապրում: Այս տվյալները հրապարակվել են 2011թ. աշխարհի 148 երկրներում անցկացրած հարցման արդյունքում:

Ամենաշատ դրական էմոցիաներն աշխարհում ապրում են Պարագվայի, Պանամայի և Սալվադորի բնակիչները:

Հետազոտողներն անհատական զրույցի ժամանակ հեռախոսով տարբեր հարցեր են հղել հացման մասնակցիներին. 1. «Հաճա՞խ եք ուրախություն ապրում», 2. «Ձեզ լավ հանգստացած ե՞ք զգում», 3. «Նախօրդ օրը Ձեզ հարգանքով են վերաբերվել», 4. «Հաճա՞խ եք ժպտում կամ ծիծաղում», 5. «Նախօրեին որևէ հետաքրքիր բան իմացե՞լ կամ տեսե՞լ եք»:

Հարցվածների 85%-ն աշխարհում կարծում է, որ իր հանդեպ հարգանքով են վերաբերվել, 72%-ը շատ ծիծաղում է կամ ժպտում, նույն քանակությամբ մարդ էլ գտնում է, որ լավ հանգստացել է, իսկ 73%-ը պնդում է, որ ողջ որվա ընթացքում ուրախություն է զգում: Եվ միայն աշխարհի բնակչության 43%-ն է համարում, որ հարցման նախօրեին ինքը որևէ նոր բան է սովորել կամ հետաքրքիր բանի ականատես եղել:

Ամենադրական էմոցիաներով երկրների տասնյակից 7-ը գտնվում է Լատինական Ամերիկայում: Վերոնշյալ երեքից բացի՝ լատինամերիկյան երկրներից տասնյակում են հայտնվել Վենեսուելան, Գվատեմալան, Էկվադորը և Կոստա Ռիկան: Առաջին անգամ այդ տասնյակում են նաև Տրինիդադ և Տոբագոն, Ֆիլիպիններն ու Թաիլանդը:

Շատ քիչ դրական էմոցիաներ են ապրում նաև Վրաստանում, Սերբիայում, Եմենում, Բելառուսում, Մադագասկարում, Լիտվայում:

Ռուսաստանը Իրաքից, Ալժիրից և Բանգլադեշից հետո հարում է բացասական էմոցիաներ ապրող երկրների շարքին: