Ժողովրդագրական քաղաքականության ռազմավարությունն առաջին անգամ հաստատվել է 2009 թվականին. Արտեմ Ասատրյան

Գործադիրն այսօրվա նիստում հավանություն է տվել Հայաստանի Հանրապետության ժողովրդագրական իրավիճակի բարելավման 2013 թվականի պետական ծրագրին և ծրագրի իրականացումն ապահովող միջոցառումների ցանկի մասին օրենքի նախագծին:

ՀՀ աշխատանքի և սոցիալական հարցերի նախարար Արտեմ Ասատրյանը լրագրողների հետ ճեպազրույցում ասաց, որ Ժողովրդագրական քաղաքականության ռազմավարությունը առաջին անգամ կառավարության կողմից հաստատվել է 2009 թվականին և դրանից հետո արդեն յուրաքանչյուր տարի նաև հաստատվում է կառավարության կողմից տվյալ տարվա միջոցառումների ծրագիրը: «Այդ միջոցառումների ծրագրով հենց անդրադարձ ենք կատարում այն խնդիրներին, որոնք առնչություն ունեն ժողովրդագրության հետ կապված բոլոր խնդիրներին: Խնդիրները վերաբերում են և ծնելիության խրախուսմանը և տարածքային զարգացման խնդիրներին և մնացած ոլորտներին, որոնք ևս առնչություն ունեն և յուրաքանչյուր տարի բոլոր շահագրգիռ մարմինների հետ միասին ձևավորվում է այդ միջոցառումների ծրագիրը: Առաջիկա տարվա համար իրականացվող ծրագրերի շրջանակներում նաև ընդգրկված են միջոցառումներ, որոնք թույլ կտան անդրադառնալ բազմազավակ ընտանիքների խնդիրներին, հատկապես նաև սահմանամերձ և բարձր լեռնային շրջանների բնակչության խնդիրներին և այս շրջանակներում կփորձենք լուծումներ տալ այդ խնդիրներին»,-ասաց նախարարը: