Զատկական առավոտ թող հարուցյալ Տերը զորավիգ լինի մեր Հայրենիքին․ Նավասարդ արք․ Կճոյան
Հրապարակումներ
Գերաշնորհ Տ․ Նավասարդ արք․ Կճոյանի շնորհավորական ուղերձը Սուրբ Հարության տոնի առթիվ․
«Սիրելի՛ հավատավոր զավակներ,
Հրաշազարդ Սուրբ Հարության տոնի առթիվ հղում ենք մեր սրտաբուխ բարեմաղթանքներն ու շնորհավորանքները:
Փա՜ռք Քրիստոսի ամենազոր Հարությանը: Անհնար է պատկերացնել մեր կյանքն առանց այս կենսաբեր ողջույնի, որով ամենամյա նորոգությամբ ի լուր ամենքի ազդարարվում է. «Մահուամբ զմահ կոխեաց եւ յարութեամբն իւրով մեզ զկեանս պարգևեաց»: Քրիստոս Իր մահվամբ հաղթեց մահվանը: Տերը հարությամբ ուղենշեց հավիտենական կյանքի ճանապարհը՝ մեզ պարգևելով փրկարար հավատք՝ կենսավորված խաչով և հարության հաղթանակով։
Զատկական առավոտ թող հարուցյալ Տերն Իր մշտակենդան և հավիտենախոս ներկայությամբ պահապան և զորավիգ լինի մեր Հայրենիքին: Թող Հարության ավետիսը ձեզ պարգևի մահվան դեմ հաղթանակած լինելու բերկրանքը, սեր և բարություն սփռի ձեր հոգիներում, զորացնի՝ դիմագրավելու փորձություններին և ապրելու Տիրահաճ կյանքով:
«ՔՐԻՍՏՈՍ ՅԱՐԵԱՒ Ի ՄԵՌԵԼՈՑ,
ՕՐՀՆԵԱԼ Է ՅԱՐՈՒԹԻՒՆՆ ՔՐԻՍՏՈՍԻ»»։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
