Իրանի ատոմային ռումբի հարցի լուծմանը հնարավոր է հասնել միայն դիվանագիտության միջոցով

ԱՄՆ-ի մի շարք պաշտոնյաներ և քաղաքական վերլուծաբաններ Բարաք Օբամային ուղղված նամակում նշել են, որ պատժամիջոցների փոխարեն ավելի շատ պետք է ուշադրություն դարձնել դիվանագիտությանը: Այս մասին տեղեկացնում է BBC-ի պարսկական ծառայությունը:

Բարաք Օբամային ուղղված նամակով 24 քաղաքական գործիչներ և վերլուծաբաններ պահանջել են ավելի իրական մոտեցում ցուցաբերել Իրանի հետ բանակցությունների ժամանակ: Նրանք նաև ավելացրել են, որ ԱՄՆ-ի կողմից Իրանի նկատմամբ իր դիրքորոշման վերանայմամբ այդ հարցը կարելի է լուծել դիվանագիտական ճանապարհով: Այս նամակը ստեղծվել է Ամերիկայում իրանական ազգային խորհրդի և զենքերի հսկողության կազմակերպության կողմից:

Համաձայն Ջալալ Աբադիի` ԱՄՆ-ում իրանական ազգային խորհրդի տնօրեններից մեկը նշել է. «ԱՄՆ-ի ներքին իրավիճակն ընտրություններից առաջ այնպիսին է, որ նախագահը չի կարող պատժամիջոցները պակասեցնել: Այժմ, երբ ԱՄՆ-ում ընտրությունները վերջացել են և մի քանի ամիս է մնում Իրանում նախագահական ընտրություններից առաջ, իրական ժամանակն է բանակցությունների համար»:

Նամակը ստեղծվել է այն ժամանակ, երբ Սպիտակ տունը ջանում էր ավելացնել պատժամիջոցներն Իրանի վրա:

Իրանը շարունակաբար նշում է, որ ուրանի հարստացումը խաղաղ բնույթ ունի և միտված է ապահովելու էներգիայի պաշարը: Իրենց կողմից ԱՄՆ-ն և Իսրայելը շարունակաբար պնդում են, որ այն ռազմական բնույթ է կրում, և Իրանը ցանկանում է ստեղծել ատոմային ռումբ, որը վերջնականապես ուղղված կլինի ԱՄՆ-ի կամ Իսրայելի դեմ: Հենց այս նպատակն էր հետապնդում Թուրքիայում Patriot տեսակի հրթիռների տեղադրումը: