Ծեծկռտուք Ֆինանսների նախարարությունում. նախարարը՝ «ռազբորկաների» կիզակետում (լրացված)

Lurer.com-ի հավաստի աղբյուրների փոխանցմամբ՝ այսօր կեսօրին վիճաբանություն է տեղի ունեցել ՀՀ ֆինանսների նախարարությունում։

Ծեծկռտուքին միջամտել են նաև նախարարության վարչության պետերն ու նախարարի տեղակալները, անգամ՝ նախարար Վաչե Գաբրիելյանը:

Նախարարության իրավաբանական վարչության առաջատար մասնագետ Ա. Բադալյանի և գլխավոր մասնագետ Հ. Աճեմյանի միջև առաջացած վեճը վերածվել է ծեծկռտուքի։ Նախարարը ծեծկռտուքի մասնակիցներից բացատրություն է պահանջել:

Պարզվում է՝ ողջ ծեծկռտուքի հիմնական պատճառն այն է եղել, որ Հ. Աճեմյանը ծխախոտը ձեռքին անցնելիս անհարմարություն է պատճառել Բադալյանին, վերջինս Աճեմյանի հետևից ռեպլիկ է բաց թողել, և կռիվը պատրաստ է:

Այս պահին Ֆիննախի աշխատակիցները սրտատրոփ սպասում են նախարարի արձագանքին:

Տեղեկացնենք նաև, որ իրավաբանական վարչության պետի պատճառով օրեր առաջ աշխատանքից ազատվել էր 3 բաժնի պետ։