2012 թվականի ամենակարևոր իրադարձությունները շոու-բիզնեսում

People ամսագիրը կազմել է 2012 թվականի ամենակարևոր 10 իրադարձությունները:

Այս սանդղակը կազմվել է օնլայն քվեարկությունների հիման վրա, որին մասնակցել են People-ի ընթերցողները: Ինչպես հայտնում է People ամսագիրը, 2012 թվականը հատկապես հիշարժան է դարձել երկու գաղտնի հարսանիքների շնորհիվ՝ դերասաններ Ռայանա Ռեյնոլդսի և Բլեյկ Լայվլի, ինչպես նաև՝ Ջեսիքա Բիլի և Ջասթին Թիմբերլեյքի ամուսնությամբ: Այս երկու իրադարձություններն էլ իսկապես «անհասանելի» էին ԶԼՄ-ների համար: Իր հերթին, ամենասպասված հարսանիքը գալիք տարում համարվում է Ջենիֆեր Էնիսթոնի և նրա ընտրյալի՝ Ջասթին Թերուի՝ 2013-ին կայանալիք հարսանիքը:

Ինչ վերաբերում է սիրավեպերին, որոնց «գոյությանը» դեռևս դժվար է հավատալ, People-ի ընթերցողները ընտրել են դերասանուհի և մոդելյոր Մերի-Քեյթ Օլսենի և Ֆրանսիայի նախկին նախագահի եղբոր՝ Օլիվե Սարկոզիի հարաբերությունները: Զույգի հանդիպման մասին լուրը հայտնի դարձավ 2012 թվականի վերջին:

People-ի ամբողջական ցուցակն ունի հետևյալ տեսքը.

Գաղտնի հարսանիքները. Բլեյք Լեյվիլ և Ռայան Ռայնոլդ, Ջեսիքա Բիլ և Ջասթին Թիմբերլեյք
Ամենահիշարժան զգեստը. Քեյթ Միդլթոնի զգեստը՝ Լոնդոնի Օլիմպիադայի գալա համերգին
Ամենագեղեցիկ գրառումը երեխայի ծննդյան մասին. Հիլարի Դաֆի գրառումը իր նորածին որդու մասին Twitter-ում:

Տարվա վերամիավորում. «Լրիվ տուն» ամերիկյան սիթքոմի 25-ամյակի տոնակատարությունը

Նա, ով ամենից շատ է ձանձրացրել. Լինդսի Լոհան
Նա, ով մեզ դեռ հետաքրքրում է. արքայազն Վիլյամ և Քեյթ Միդլթոն
Ամենաապշեցուցիչ կերպարանափոխությունը ֆիլմում. Դենիել Դեյ-Լյուիս՝ Աբրահամ Լինկոլնի դերում
Ամենաերկար սպասված հարսանիքը. Ջենիֆեր Էնիսթոն և Ջասթին Թերու
Ամենաանսպասելի սիրավեպը. Մերի-Քեյթ Օլսեն և Օլիվեր Սարկոզի
Ամենալավ վերադարձը հեռուստատեսություն. Բրիթնի Սփիրսը՝ X Factor-ի հաղորդավար: