«Հրապարակ». ՀՅԴ-ն կունենա՞ նախագահի սեփական թեկնածու
Հայկական Մամուլ
Ինչպես տեղեկացնում են ՀՅԴ-ին մոտ կանգնած «Հրապարակ»-ի աղբյուրները՝ Դաշնակցությունը ոչ մի դեպքում և երբեք չի պաշտպանի Րաֆֆի Հովհաննիսյանի թեկնածությունը: «Ինչո՞ւ պետք է պաշտպանենք, երբ կարող ենք մերն ունենալ»,- ասացին նրանք:
Ըստ նույն աղբյուրների՝ դեկտեմբերի 25-ին տեղի ունենալիք Գերագույն ժողովում ՀՅԴ-ն, ամենայն հավանականությամբ, կառաջադրի իր թեկնածուին, որը կլինի Արմեն Ռուստամյանը, ինչը պայմանավորված է ոչ միայն շարքերի ցանկությամբ, այլև վերջերս Սերժ Սարգսյան - ՀՅԴ հանդիպմամբ, որին մասնակցում էր նաև Արմեն Ռուստամյանը: Ուր նաև պայմանավորվածություն է ձեռք բերվել, որ ՀՅԴ-ն պետք է հանդես գա արմատական ընդդիմության դիրքերից և բավականին ագրեսիվ լինի:
«Եթե Գերագույն ժոդովը նման որոշում կայացնի, ապա նախագահական ընտրություններում Սերժ Սարգսյանը կունենա մրցակիցների բավականին տպավորիչ տրիադա՝ Րաֆֆի Հովհաննիսյան, Հրանտ Բագրատյան, Արմեն Ռուստամյան, որոնք կպայքարեն «պատվավոր» երկրորդ տեղի համար»,- ասաց ՀՅԴ զրուցակիցը:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
