Բարաք Օբաման մեկնել է Հավայան կղզիներ՝ Սուրբ Ծնունդը նշելու

ԱՄՆ-ի նախագահ Բարաք Օբաման ընտանիքի հետ միասին մեկնում է Հավայան կղզիներ: ԱՄՆ-ի առաջին ընտանիքի համար արդեն ավանդույթ է դարձել դիմավորել Սուրբ Ծնունդը հենց Հոնոլուլուում, որտեղ ծնվել և մեծացել է երկրի ներկայիս ղեկավարը:

Վաշինգտոնից մեկնելուց առաջ Օբաման կոչ է արել Կոնգրեսին մինչև Ամանորի օրերին ընտանիքում կենտրոնանալ և մշակել հարկերի բարձրացման կանխարգելմանն ուղղված «քայլերի փաթեթ» միջին խավի և գործազրկության նպաստներ ստացող մոտ երկու միլիոն ամերիկացու համար: Ըստ նախագահի մտահղացման՝ այս փաթեթը պետք է հիմք ստեղծի տնտեսական աճի և բյուջեի դեֆիցիտի կրճատման ուղղությամբ: Օբաման հույս ունի, որ Կոնգրեսի անդամները, որոնց մի մասն արդեն մեկնել է հարազատ նահանգներ՝ տոները դիմավորելու, Վաշինգտոն վերդառանալիս անմիջապես գործի կանցնի և կընդունի համապատասխան օրենսդրական նախագիծը: «Եվ ես այն անմիջապես կստորագրեմ մինչև հունվարի 1-ը: Կարող եք ինձ անհույս լավատես անվանել, սակայն ես իսկապես կարծում եմ, որ մենք կարող ենք դա անել»,-ասել է Օբաման:

Օբամայի արձակուրդը, ամենայն հավանականությամբ, երկար չի տևի: Օբաման լրագրողներին խոսք տվեց հանդիպել մեկ շաբաթ անց. հայտնում է ИТАР-ТАСС-ը: Սպիտակ տունը, սակայն, չի նշել, թե կոնկրետ երբ կվերադառնա ԱՄՆ-ի նախագահը: