Եգիպտոսում սկսվել է Սահմանադրական հանրաքվեի եզրափակիչ փուլը

Եգիպտոսի նոր Սահմանադրության քվեարկության եզրափակիչ փուլը մեկնարկել է շաբաթ օրը Եգիպտոսի նահանգներում: Հենց այս փուլից հետո Գերագույն ընտրական հանձնաժողովը 2 օրվա ընթացքում կհրապարակի քվեարկության արդյունքները:

Սահմանադրական հանրաքվեի 2-րդ փուլին մասնակցելու է 25.5 մլն եգիպտացի: Քվեարկությունն ընթանալու է ավելի քան 6.5 հազար ընտրատեղամասում, որի ընթացքը հսկելու է 7 300 դատավոր: Պաշտոնապես հանրաքվեն ավարտվելու է տեղական ժամանակով 19:00 (21:00)-ին:

Սակայն հանձնաժողովը չի բացառել քվեարկության ժամկետի երկարաձգման հնարավորությունը, եթե բոլոր ցանկացողները չհասցնեն քվեարկել, ինչպես որ եղել էր առաջին փուլում:

Հիշեցնենք, որ հանրաքվեի առաջին փուլում նոր Սահմանադրությանը կողմ էր քվեարկել ընտրողների 57%-ը, իսկ դեմ՝ 43%-ը: