Gangnam Style բառակապակցությունը կհայտնվի անգլերեն լեզվի բացատրական բառարանում

Gangnam Style երգի տեսահոլովակը դիտումների ռեկորդ է սահմանել Youtube-ում, իսկ տեսահոլովակում ներկայացված պարը գրավել է աշխարհը և դարձել փոփ մշակույթի հիթ: Այժմ կորեացի երգիչ Psy-ն հավակնում է համալրել անգլերեն լեզվի բառարանը: Կորեացի կատարողի այցեքարտ դարձած երգի անվանումը, ինչպես նաև «fiscal cliff»-ը, հայտնվել են Collins Dictionary բառարանի տարվա բառերի ցանկում:

«Մենք որոնում էինք բառեր, որոնք կարտացոլեին այս տարի տեղի ունեցածը»,-ասել է խմբագիր-խորհրդատու Իեն Բրուքսը: «Որոշ բառեր հայտնվում էին արդեն տեղի ունեցած իրադարձությունների արդյունքում, այնպես որ դրանք, հավանաբար, չեն մնա…Սակայն այլ բառեր, հավանաբար, կմնան»,-հավելել է Բրուքսը:

Մի շարք բառեր ամերիկյան քաղաքականության աշխարհից են: «Fiscal cliff» տերմինը նկարագրում է այն իրավիճակը, որի մեջ ԱՄՆ-ն կարող է հայտնվել 2013-ի սկզբին, եթե քաղաքական գործիչները չկարողանան ընդհանուր հայտարարի գալ պետական ծախսերի և հարկային քաղաքականութան շուրջ 2013 թվականի սկզբին: Սակայն ցուցակում հայտնվելը չի երաշխավորում բառի կամ բառակապակցության՝ բառարանում հայտնվելը: Սակայն Gangnam Style-ը հիանալի հնարավորություններ ունի. կարծում է Բրուքսը: